តំបន់សេដ្ឋកិច្ចពិសេស

ដោយស្ថិតនៅក្នុងតំបន់យុទ្ធសាស្ត្រ តំបន់សេដ្ឋកិច្ចពិសេសកំពតមានទីតាំងជួលសម្រាប់ធ្វើឃ្លាំង និងសាងសង់រោងចក្រ ព្រមទាំងមានអគារលំនៅដ្ឋានសម្រាប់និយោជក និងនិយោជិតស្នាក់នៅផងដែរ។ តំបន់សេដ្ឋកិច្ចពិសេសកំពត ធ្វើឡើងក្នុងគោលបំណងគាំទ្រដល់កំណើនសេដ្ឋកិច្ច ជាមួយនឹងលក្ខខណ្ឌអនុគ្រោះនិងហេដ្ឋារចនាសម្ព័ន្ធសម្រាប់វិស័យឧស្សាហកម្មផ្សេងៗ។ ជាហេតុនេះ តំបន់សេដ្ឋកិច្ចពិសេសកំពតពិតជាសក្កិសមនិងងាយស្រួលសម្រាប់ដំណើរការអាជីវកម្ម។
នៅក្នុងតំបន់សេដ្ឋកិច្ចពិសេសកំពត យើងផ្ដល់ជូននូវអត្ថប្រយោជន៍ដែលអ្នកវិនិយោគមិនគួររំលង រួមមាន៖

• មានទីតាំងនៅក្នុងកំពង់ផែពហុបំណងកំពត

តំបន់សេដ្ឋកិច្ចពិសេសកំពតរបស់យើងស្ថិតនៅក្នុងកំពង់ផែផ្ទាល់ខ្លួន (កំពង់ផែពហុបំណងកំពត) ដែលអាចផ្តល់នៅអត្ថប្រយោជន៍ដ៏ពិសេសទៅកាន់ការដឹកជញ្ជូនផ្លូវទឹកសមុទ្រអន្តរជាតិ ផ្លូវដឹកជញ្ជូន និងទីផ្សារពាណិជ្ជកម្មសំខាន់ៗជាច្រើនទៀត។ ទីតាំងនេះនឹងជួយសម្រួលទំនាក់ទំនងរវាងអាជីវកម្មដោយមិនចាំបាច់ចំណាយថ្លៃដឹកជញ្ជូនខ្ពស់ បង្កើនប្រសិទ្ធភាពខ្សែសង្វាក់ផ្គត់ផ្គង់ ហើយយើងក៏ចង់ក្លាយជាសរសៃឈាមសមុទ្រដ៏សំខាន់សម្រាប់ប្រទេសកម្ពុជាផងដែរ។

• ហេដ្ឋារចនាសម្ព័ន្ធ
  – ប្រព័ន្ធផ្គត់ផ្គង់ទឹក
  – ប្រព័ន្ធផ្គត់ផ្គង់អគ្គិសនី
  – ស្ថានីយប្រព្រឹត្តកម្មទឹកស្អាត
  – ប្រព័ន្ធ​​​​រំដោះ​ទឹកជំនន់​
  – របងបេតុង

• ឋបនីយភណ្ឌ
  – ច្រកទ្វារសំខាន់៖ តំបន់សេដ្ឋកិច្ចពិសេសកំពតមានច្រកទ្វារ ដែលអាចចូលទៅខាងក្នុងបានដូចគ្នាទៅនឹងកំពង់ផែពហុបំណងកំពត ដែលមានរបងបេតុងព័ទ្ធនៅជុំវិញ។ តំបន់សេដ្ឋកិច្ចពិសេសកំពតផ្តល់នូវបរិយាកាសល្អ និងសុវត្ថិភាពខ្ពស់ដល់អ្នកជួល។
  – ការិយាល័យលក់៖ មានទីតាំងនៅជាប់ច្រកទ្វារធំ/សំខាន់ ដែលអាចផ្តល់សេវាកម្មទៅតាមតម្រូវការរបស់អ្នកប្រើប្រាស់ទាំងអស់ ហើយគោលបំណងរបស់យើងគឺយើងចង់ផ្តល់សេវាកម្មគ្រប់ប្រភេទដល់ក្រុមហ៊ុនដឹកជញ្ជូន ការិយាល័យជួល មន្ត្រីគយ និងអ្នកជួលផ្សេងទៀត។

• ការលើកទឹកចិត្តសម្រាប់អ្នកវិនិយោគ
  – អនុញ្ញាតឱ្យជួលរយៈពេលវែងរហូតដល់ ៥០ ឆ្នាំ
  – លើកលែងពន្ធនាំចូលទៅលើសម្ភារផលិត & បរិក្ខារផលិតកម្ម សម្ភារសំណង់ និងវត្ថុធាតុដើមប្រើប្រាស់ក្នុងផលិតកម្ម
  – លើកលែងពន្ធនាំចេញ
  – អត្រាអាករលើតម្លៃបន្ថែម( VAT )សូន្យភាគរយ (0%) សម្រាប់ការនាំចូលនីមួយៗ
  – ការលើកលែងពន្ធលើប្រាក់ចំណេញរហូតដល់ ៩ ឆ្នាំ