ព័ត៌មានលម្អិតអំពីសេវាកម្ម

ដោយស្ថិតនៅក្នុងតំបន់យុទ្ធសាស្រ្ត យើងមានដីជួលសម្រាប់ធ្វើឃ្លាំង និងសាងសង់រោងចក្រ ព្រមទាំងមានអគារលំនៅដ្ឋានសម្រាប់និយោជក និងនិយោជិតស្នាក់នៅ។ តំបន់សេដ្ឋកិច្ចពិសេសកំពតធ្វើឡើងក្នុងគោលបំណងគាំទ្រដល់កំណើនសេដ្ឋកិច្ច ជាមួយនឹងលក្ខខណ្ឌអនុគ្រោះនិងហេដ្ឋារចនាសម្ព័ន្ធសម្រាប់វិស័យឧស្សាហកម្មផ្សេងៗ។ ជាហេតុនេះ តំបន់សេដ្ឋកិច្ចពិសេសកំពតពិតជាសក្កិសមនិងងាយស្រួលសម្រាប់ដំណើរការអាជីវកម្ម។ នៅក្នុងតំបន់សេដ្ឋកិច្ចពិសេសកំពត យើងផ្តល់ជូននូវអត្ថប្រយោជន៍ដែលអ្នកវិនិយោគមិនគួររំលង រួមមាន៖

• មានទីតាំងនៅក្នុងកំពង់ផែពហុបំណងកំពត

តំបន់សេដ្ឋកិច្ចពិសេសកំពតរបស់យើង ដោយស្ថិតនៅក្នុងកំពង់ផែផ្ទាល់ខ្លួន (កំពង់ផែពហុបំណងកំពត) ផ្តល់នៅអត្ថប្រយោជន៍ដ៏ពិសេសទៅកាន់ការដឹកជញ្ជូនផ្លូវទឹកសមុទ្រអន្តរជាតិ ផ្លូវដឹកជញ្ជូន និងទីផ្សារពាណិជ្ជកម្មសំខាន់ៗជាច្រើនទៀត។ ទីតាំងនេះនឹងជួយសម្រួលទំនាក់ទំនងរវាងអាជីវកម្មដោយមិនចាំបាច់ចំណាយថ្លៃដឹកជញ្ជូនខ្ពស់ បង្កើនប្រសិទ្ធភាពខ្សែសង្វាក់ផ្គត់ផ្គង់ ហើយយើងក៏ចង់ក្លាយជាសរសៃឈាមសមុទ្រដ៏សំខាន់សម្រាប់ប្រទេសកម្ពុជាផងដែរ។

• កាត់បន្ថយអត្រាពន្ធលើប្រាក់ចំណូលសាជីវកម្ម និងការលើកលែងនានា

អាជីវកម្មដែលមានទីតាំងនិងដំណើរការនៅក្នុងតំបន់សេដ្ឋកិច្ចពិសេសកំពតយើង អាចទាញយកផលប្រយោជន៍ដែលអាចជួយកាត់បន្ថយអត្រាពន្ធលើប្រាក់ចំណូលសាជីវកម្មមួយផ្នែកធំ ក៏ដូចជាទទួលបានការលើកលែងពន្ធផ្សេងៗទៀត។ សម្រាប់អាជីវកម្មណាដែលចង់បង្កើនប្រាក់នូវប្រាក់ចំណេញ ពួកគេអាចចាត់ទុកឱកាសនេះជាផលប្រយោជន៍ហិរញ្ញវត្ថុ ស្របជាមួយគ្នានេះក៏បានចូលរួមចែករំលែកដល់សេដ្ឋកិច្ចនៃតំបន់កំពតទាំងមូលផងដែរ។

• លើកលែងពន្ធ នាំចូល និងនាំចេញ

នៅក្នុងតំបន់សេដ្ឋកិច្ចពិសេសកំពត ការនាំចូលវត្ថុធាតុដើម គ្រឿងចក្រ និងឧបករណ៍ដែលចាំបាច់សម្រាប់ប្រើប្រាស់ប្រតិបត្តិការគឺមិនត្រូវគិតពន្ធឡើយ។ លើសពីនេះទៀត រីករាយនឹងប្រតិបត្តិការនិងការនាំចេញដោយមិនគិតពន្ធ ដែលអាចជួយម្ចាស់អាជីវកម្មក្នុងការគ្រប់គ្រងចំណាយរួម និងរក្សាការប្រកួតប្រជែងនៅក្នុងទីផ្សារអន្តរជាតិ។

• សម្របសម្រួលនិតិវិធីគយ និងកាត់បន្ថយបន្ទុករដ្ឋបាល

ដើម្បីជៀសវាងបន្ទុកណាមួយ យើងបានសម្រួលនិតិវិធីដែលសមស្របនិងការអនុវត្ត ដែលគោលបំណងគឺកាត់បន្ថយការងាររដ្ឋបាលឬការងារក្រដាសស្នាមផ្សេងៗ។ យើងផ្តល់អាទិភាពទៅកាន់ដំណើរការដែលប្រកបដោយប្រសិទ្ធភាព ដូច្នេះហើយទើបយើងអាចដឹកជញ្ជូនទំនិញ កុងតឺន័រនិងទំនិញរបស់អ្នកឆ្លងកាត់កំពង់ផែដោយគ្មានឧបសគ្គ ឬបញ្ហាណាមួយឡើយ ដែលនេះហើយអាចកាត់បន្ថយការចំណាយពេលវេលា និងបង្កើនប្រសិទ្ធភាពប្រតិបត្តិការ។

• ទទួលបានទំនុកចិត្តលើហេដ្ឋារចនាសម្ព័ន្ធ និងឧបករណ៍ប្រើប្រាស់

យើងមានហេដ្ឋារចនាសម្ព័ន្ធទំនើប និងឧបករណ៍ប្រើប្រាស់ប្រកបដោយទំនុកចិត្ត ដែលដំណើរការសុទ្ធសឹងដោយវិស្វករនិងក្រុមការងារដ៏ជំនាញដើម្បីធានាបានថាអាជីវកម្មរបស់អ្នកទទួលបាននូវតម្រូវការដែលអាចឱ្យអ្នកជោគជ័យ។ អ្នកអាចទទួលបានគ្រឿងបរិក្ខារសំខាន់ៗ ចាប់ពីបណ្តាញប្រព័ន្ធដឹកជញ្ជូនទំនើប ប្រព័ន្ធភ្លើង និងប្រព័ន្ធទំនាក់ទំនងកម្រិតខ្ពស់សម្រាប់ផ្ដល់ភាពងាយស្រួលដល់អ្នកប្រើប្រាស់។

• កម្លាំងពលកម្មជំនាញ

តំបន់សេដ្ឋកិច្ចពិសេសកំពតមានកម្លាំងកម្មករដែលមានជំនាញវិជ្ជាជីវៈ និងបណ្តុះបណ្តាលត្រឹមត្រូវនៅក្នុងវិស័យឧស្សាហកម្មផ្សេងៗគ្នា ដែលត្រៀមខ្លួនរួចជាស្រេចដើម្បីឆ្លើយតបទៅនឹងតម្រូវការណាមួយរបស់អាជីវកម្មអ្នក។ លើសពីនេះទៀត យើងចង់ធានាថាអ្នកអាចទទួលបានធនធានមនុស្សល្អបំផុតដើម្បីជួយអាជីវកម្មអ្នកសម្រេចបាននូវគោលដៅ។