សេចក្តីជូនដំណឹងស្តីពីការតម្រូវឲ្យកញ្ចប់ទំនិញមានបិតស្លាកព័ត៌មានទំនិញ

ចុះផ្សាយ៖ ថ្ងៃទី ១៣ ខែមករា ឆ្នាំ២០២៦

អតិថិជនជាទីគោរព,

កំពង់ផែពហុបំណងកំពត (KMP) សូមថ្លែងអំណរគុណយ៉ាងជ្រាលជ្រៅចំពោះការគាំទ្រជាបន្តបន្ទាប់របស់លោកអ្នកចំពោះសេវាកម្មរបស់យើង។ ដើម្បីបង្កើនប្រសិទ្ធភាពសេវាកម្ម និងភាពជឿជាក់សម្រាប់លោកអ្នក យើងខ្ញុំសូមជម្រាបជូនថា ទំនិញដែលនាំចូល និងនាំចេញតាមរយៈ KMP តម្រូវឱ្យបិទស្លាកព័ត៌មានទំនិញជាចាំបាច់លើកញ្ចប់ទាំងអស់របស់ទំនិញដូចខាងក្រោម៖​

• ឈ្មោះអ្នកនំាចេញ​​
• ឈ្មោះម្ចាស់ទំនិញ
• លេខ​ BILL OF LADING
• ឈ្មោះនាវា/លេខជើងកប៉ាល់​
• ឈ្មោះទំនិញ
• កំណត់សម្គាល់/ព័ត៌មានផ្សេងទៀត (បើមាន)

ទំនិញទាំងអស់នឹងត្រូវបានត្រួតពិនិត្យស្លាកព័ត៌មានទំនិញដោយប្រុងប្រយ័ត្ន។ចំពោះទំនិញដែលគ្មានស្លាកសម្គាល់ក្រុមការងារផ្នែកទំនាក់ទំនងអតិជននឹងធ្វើការទាក់ទងទៅកាន់អតិថិជនដើម្បីបញ្ជាក់ព័ត៌មានទំនិញ និងចេញលិខិតបញ្ជាក់ពីការទទួលខុសត្រូវលើការបញ្ជូនទំនិញត្រលប់មកវិញ ក្នុងករណីច្រឡំទំនិញណាមួយជាបន្ទុករបស់អតិថិជន។

ចំណាំ៖

• ការតម្រូវឲ្យបិតស្លាកព័ត៌មានទំនិញ គឺជាតម្រូវការចាំបាច់ និង ផ្តើមអនុវត្តភ្លាមៗ​
• ថ្លៃត្រួតពិនិត្យទំនិញដែលគ្មានស្លាកព័ត៌មានទំនិញគឺ USD ២៥០.០០ /BL និង USD​ ១.០០​ /TON​ (ដោយពុំទាន់រាប់បញ្ចូលពន្ធអាករលើតម្លៃបន្ថែម ១០%) ដែលការគិតប្រាក់នេះនឹងមានប្រសិទ្ធភាពចាប់ពីថ្ងៃទី ១៣ ខែ មេសា ឆ្នាំ ២០២៦។​

សេចក្តីដូចបានជម្រាបជូនខាងលើ សូមអតិថិជនជាទីគោរពទាំងអស់ជ្រាបជាព័ត៌មាន។  ជាថ្មីម្តងទៀត      យើងខ្ញុំសូមថ្លែងអំណរគុណនិងសូមជូនពរលោកអ្នកឲ្យមានសំណាងល្អ និងជោគជ័យគ្រប់ភារកិច្ច។

ទាញយក PDF ទីនេះ

សម្រាប់ព័ត៌មានផ្សេងៗសូមទាកទងមក៖

061 555 053 (KMP) / 061 555 163 (CN)
061 555 162 (KSEZ) / 061 555 163 (CN)
Email: info@kampotmultipurposeport.com
VISIT US (https://maps.app.goo.gl/pbyrA3Y3JVn6R7B58)
JOIN US (@KampotPortGroup)
Website: (https://kampotportgroup.com/)